Sviatlana Tsikhanouskaya
30. október 2024
Leiðtogi lýðræðishreyfingarinnar í Belarús.
Sviatlana Tsikhanouskaya ræðir við forseta á Staðastað. Ljósmynd: Yuli Shyshko
Forseti á fund með Sviatlönu Tsikhanouskayu, leiðtoga lýðræðishreyfingarinnar í Belarús, á skrifstofu forseta við Staðastað í Reykjavík. Tsikhanouskaya er sérstakur gestur Norðurlandaráðsþings 2024 sem fram fer á Íslandi. Hún var ræðumaður á þinginu í dag og ræddi meðal annars um mikilvægi stuðnings norrænu landanna fyrir lýðræðisstarfið í Belarús.
Á fundinum með forseta var rætt um framtíðarhorfur Belarús, þróun mála og stöðu mannréttinda þar í landi frá því Aleksander Lúkasjenkó var lýstur sigurvegari í forsetakosningum þar árið 2020. Tsikhanouskaya hefur allar götur síðan leitt lýðræðishreyfinguna úr útlegð í Litháen og hafa Norðurlönd og Eystrasaltsríkin stutt kröfu lýðræðishreyfingarinnar um frjálsar kosningar.
Fundinn sátu einnig Francisak Viacorka og Dzianis Kuchynski, ráðgjafar Tsikhanouskayu, auk ráðgjafa forseta.
Fleiri fréttir
11. júlí 2026
Forsetahjónin taka þátt í Landsmóti hestamanna
Forseti veitti verðlaun í barnaflokki.
11. júlí 2026
Forsetahjónin taka þátt í Landsmóti hestamanna
9. júlí 2026
„Ekkert eitt land getur stjórnað gervigreindinni upp á eigin spýtur“
Forseti sækir fund ráðgjafanefndar um gervigreind til góðs.
9. júlí 2026
„Ekkert eitt land getur stjórnað gervigreindinni upp á eigin spýtur“
8. júlí 2026
„Hvers konar samfélag – og mannkyn – viljum við skapa?“
Forseti ávarpar ráðstefnu á vegum SÞ í Genf.
8. júlí 2026
„Hvers konar samfélag – og mannkyn – viljum við skapa?“