„Þurfum að rækta leiðtogann í öðrum“
9. febrúar 2026
Stjórnvísi
Forseti afhendir stjórnunarverðlaun Stjórnvísi.
Forseti ásamt þeim sem fengu viðurkenningu að þessu sinni. Ljósmynd: Stjórnvísi.
Forseti afhenti Stjórnunarverðlaun Stjórnvísi við hátíðlega athöfn á Grand Hótel. Verðlaunin eru veitt árlega í þremur flokkum en auk þess voru veitt sérstök heiðursverðlaun að þessu sinni.
Þeir sem hlutu viðurkenningu voru Vilhelm Már Þorsteinsson, forstjóri Eimskips, í flokki yfirstjórnenda, Óttar Örn Sigurbergsson framkvæmdastjóri ELKO og Helga Halldórsdóttir forstöðumaður mannauðs hjá Arion banka, í flokki millistjórnenda og Þór Sigfússon stofnandi og stjórnarformaður Íslenska sjávarklasans, í flokki frumkvöðla. Þá hlaut Rannveig Rist, forstjóri Rio Tinto á Íslandi, sérstök heiðursverðlaun fyrir framlag sitt til stjórnunar.
Í ávarpi sem forseti flutti við athöfnina ræddi hún sérstaklega um þær áskoranir sem örar tækni- og samfélagsbreytingar hafa í för með sér fyrir leiðtoga, hvort sem er í fyrirtækjum eða á opinberum vettvangi. Hún sagði meðal annars: „Undir þessum kringumstæðum getum við ekki treyst bara á okkur sjálf, okkar nánasta samstarfsfólk eða tæknina. Áskoranirnar eru það flóknar og samofnar að við þurfum að valdefla alla sem leggja hönd á plóginn. Við þurfum, með öðrum orðum, bæði að rækta leiðtogann í okkur sjálfum og öðrum.“
Stjórnunarverðlaun Stjórnvísi eru veitt stjórnendum fyrirtækja sem þykja hafa skarað fram úr á sínu sviði. Markmiðið er að stuðla að fagmennsku á sviði stjórnunar hérlendis, örva umræðu um faglega stjórnun og vekja athygli á framúrskarandi starfi stjórnenda og frumkvöðla.
Fleiri fréttir
21. apríl 2026
Gervigreind til góðs
Forseti efnir til samtals um samfélagsleg áhrif gervigreindar.
21. apríl 2026
Gervigreind til góðs
20. apríl 2026
„Öflug hreyfing er óstöðvandi“
Forseti hittir nemendur Alþjóðlega jafnréttisskólans.
20. apríl 2026
„Öflug hreyfing er óstöðvandi“
16. apríl 2026
Velsæld á tímum gervigreindar
Forseti og Jesper Brodin ræða leiðtogahæfni og gervigreind á Velsældarþingi.
16. apríl 2026
Velsæld á tímum gervigreindar