Unglingalandsmót UMFÍ
2. ágúst 2024
Forseti ávarpar gesti á setningarathöfn.
Forseti ávarpar setningu Unglingalandsmóts UMFÍ í Borgarnesi. Ljósmynd/Hafsteinn Snær Þorsteinsson
Forseti flytur ávarp á setningarathöfn Unglingalandsmóts UMFÍ, sem fram fer í Borgarnesi um verslunarmannahelgina, í samstarfi Ungmennafélags Íslands, Ungmennasambands Borgarfjarðar og sveitarfélagsins Borgarbyggðar.
Unglingalandsmótið hefur verið haldið um verslunarmannahelgi frá árinu 2002 sem vettvangur fyrir skipulagt tómstundastarf og samveru með foreldrum. Er það talið meðal lykilþátta í góðum árangri Íslands í forvarnarstarfi með ungmennum sem vakið hefur athygli á heimsvísu.
Mótið er opið ungmennum á aldrinum 11-18 ára alls staðar að á landinu og aðstandendum þeirra. Ungmennin etja þar kappi í 18 keppnisgreinum af ýmsu tagi, allt frá glímu og hjólreiðum til kökuskreytinga og stafsetningar. Auk þess er á mótinu boðið upp á fjölbreytta afþreyingu og skemmtun fyrir alla fjölskylduna.
Stefán Broddi Guðjónsson, sveitarstjóri Borgarbyggðar, tók á móti forsetahjónum ásamt fulltrúum UMFÍ og UMSB og fylgdi þeim á setningu mótsins, sem hófst kl. 20:00 með fánahyllingu. Forseti flutti ávarp við athöfnina og hvatti þar ungmenni jafnt sem foreldra til dáða. Að lokinni opnunarathöfn var forsetahjónum boðið til móttöku í Grunnskóla Borgarness ásamt fulltrúum ungmennahreyfingarinnar.
Myndasafn frá setningu Unglingalandsmóts UMFÍ.
Fleiri fréttir
21. apríl 2026
Gervigreind til góðs
Forseti efnir til samtals um samfélagsleg áhrif gervigreindar.
21. apríl 2026
Gervigreind til góðs
20. apríl 2026
„Öflug hreyfing er óstöðvandi“
Forseti hittir nemendur Alþjóðlega jafnréttisskólans.
20. apríl 2026
„Öflug hreyfing er óstöðvandi“
16. apríl 2026
Velsæld á tímum gervigreindar
Forseti og Jesper Brodin ræða leiðtogahæfni og gervigreind á Velsældarþingi.
16. apríl 2026
Velsæld á tímum gervigreindar