Utanríkisráðherra Grænlands
16. október 2024
Forseti á fund með Vivian Motzfeldt.
Forseti á fund með Vivian Motzfeldt, utanríkisráðherra Grænlands, sem er hér á landi vegna ráðstefnunnar Hringborð norðurslóða. Rætt var um horfur grænlensku þjóðarinnar til framtíðar og möguleika á auknu samstarfi milli Íslands og Grænlands. Fyrirhugað er að tveir nýir flugvellir opni á Grænlandi á næstu árum, í Nuuk og Ilulissat og greindi ráðherrann frá áformum um aukna ferðamennsku samhliða því og styrkingu viðskiptatengsla bæði til austurs og vesturs. Jafnframt var rætt um þær áskoranir sem Grænlendingar glíma við vegna loftslagsbreytinga, skorts á innviðum og strjálbýlis.
Forseti greindi ráðherra frá umræðum í nýlegri ríkisheimsókn til Danmerkur um tækifæri til aukins samstarfs Íslands, Grænlands og Danmerkur við nýtingu grænnar orku. Um leið var rætt um mikilvægi þess að náttúruauðlindir séu nýttar með ábyrgum hætti. Loks ræddu forseti og ráðherra um vináttu þjóðanna sem meðal annars birtist í samstarverkefnum líkt og árlegri sundkennslu fyrir grænlensk börn á Íslandi og heimboði barnanna til forseta á Bessastöðum.
Fleiri fréttir
9. október 2026
Þversagnir gervigreindarinnar krufnar
Forseti tekur þátt viðburði með Tristan Harris og Raskin-hjónum.
9. október 2026
Þversagnir gervigreindarinnar krufnar
9. október 2026
Leiðtogafundur í Höfða á sunnudag
Forseti býður alþjóðlegum hópi til samtals um frið, traust og þróun tækninnar.
9. október 2026
Leiðtogafundur í Höfða á sunnudag
6. október 2026
„Þetta má aldrei gerast aftur“
Forseti opnar sýningu um kjarnorkuárásirnar á Hiroshima og Nagasaki 1945.
6. október 2026
„Þetta má aldrei gerast aftur“