Útför páfa
26. apríl 2025
Forseti sækir útför Frans páfa sem fram fer í Páfagarði.




Forseti sækir útför Frans páfa í Páfagarði. Frans páfi, hvers skírnarnafn var Jorge Mario Bergoglio, gegndi embætti páfa frá árinu 2013 og var um leið þjóðhöfðingi Vatíkansins, minnsta sjálfstæða ríkis heims. Frans lést á öðrum degi páska, 21. apríl síðastliðinn, 88 ára að aldri.
Útför hans fór fram á Péturstorginu í Páfagarði og sóttu hana yfir 250 þúsund manns, þar á meðal fjöldi þjóðhöfðingja. Með í fylgd forseta til Rómar voru Þorgerður Katrín Gunnarsdóttir utanríkisráðherra og Einar Gunnarsson, sendiherra Íslands í Genf og gagnvart Páfagarði.
Áður hafði forseti sent samúðarkveðju fyrir hönd íslensku þjóðarinnar til forseta kardínálaráðs Páfagarðs. Í bréfinu sagði forseti meðal annars að páfa verði minnst fyrir sterka réttlætiskennd hans og þjónustu í þágu mannkyns og að margir Íslendingar hafi minnst páfa.
Fleiri fréttir

16. nóvember 2026
„Móðurmálið mitt góða ... mjúka og ríka.“
Stiklur úr dagbók forseta.
16. nóvember 2026
„Móðurmálið mitt góða ... mjúka og ríka.“

16. nóvember 2026
Traust, samvinna og ábyrgð
Forseti tekur þátt í heimsþingi kvenleiðtoga og átaki á vegum BÍL.
16. nóvember 2026
Traust, samvinna og ábyrgð

15. nóvember 2026
„Vinur er sá sem til vamms segir“
Forseti sækir minningarstund um fórnarlömb umferðarslysa.
15. nóvember 2026
„Vinur er sá sem til vamms segir“