Vísindi á Suðurlandi
12. febrúar 2025
Forseti flytur ávarp og afhendir styrki.



Forseti flytur ávarp á árlegum hátíðarfundi Vísinda- og rannsóknarsjóðs Suðurlands og afhendir styrki úr sjóðnum. Við sama tilefni voru Menntaverðlaun Suðurlands afhent. Fundurinn fór fram í sal Fjölbrautaskóla Suðurlands á Selfossi.
Úr vísinda- og rannsóknarsjóðnum var úthlutað 1,5 milljónum króna og skiptust þær jafnt á milli tveggja styrkþega.
Anna Guðrún Þórðardóttir, doktorsnemi við Landbúnaðarháskóla Íslands, fékk styrk vegna rannsóknarverkefnisins „Erfðaleg aðlögun byggs að krefjandi umhverfisaðstæðum". Meginmarkmið verkefnisins er að stuðla að þróun byggyrkja sem eru aðlöguð kaldtempruðum umhverfisskilyrðum líkt og á Íslandi.
Þá fékk Clémence Daigre, doktorsnemi við Háskóla Íslands, styrk til verkefnisins „IceAq". Markmið þess er að auka skilning á breytingum í vatnskerfum jökla, sérstaklega hvernig vatn flyst frá jökulyfirborði, niður í rennsliskerfi við jöklulbotn og þaðan í grunnvatnskerfið þar undir.
Íslenskunámskeið fyrir foreldra með fjölmenningarbakgrunn
Loks voru Menntaverðlaun Suðurlands afhent, en að þeim standa Samtök sunnlenskra sveitarfélaga. Að þessu sinni komu þau í hlut fjölskyldusviðs Árborgar, sem staðið hefur fyrir hagnýtum íslenskunámskeiðum fyrir foreldra barna á grunnskólaaldri með fjölmenningarlegan bakgrunn.
Markmið verkefnisins er að bjóða foreldrum grunnskólanema með fjölmenningarlegan bakgrunn ókeypis íslenskunámskeið þar sem þeir kynnast helstu hugtökum og efla orðaforða sem tengist skólastarfi, en rannsóknir sýna að tungumálaörðugleikar geta hindrað þátttöku foreldra í skólastarfi.
Fleiri fréttir

16. nóvember 2026
„Móðurmálið mitt góða ... mjúka og ríka.“
Stiklur úr dagbók forseta.
16. nóvember 2026
„Móðurmálið mitt góða ... mjúka og ríka.“

16. nóvember 2026
Traust, samvinna og ábyrgð
Forseti tekur þátt í heimsþingi kvenleiðtoga og átaki á vegum BÍL.
16. nóvember 2026
Traust, samvinna og ábyrgð

15. nóvember 2026
„Vinur er sá sem til vamms segir“
Forseti sækir minningarstund um fórnarlömb umferðarslysa.
15. nóvember 2026
„Vinur er sá sem til vamms segir“