Forsetahjón tóku á móti félögum í Fornbílaklúbbi Íslands á Bessastöðum. Slógu menn á að þarna væru um 100 bílar og hátt í 200 manns. Gestum var boðið upp á léttar veitingar á hlaðinu í einstakri veðurblíðu. Forsetahjón sýndu meðal annars forsetabíl sem keyptur var í tíð frú Vigdísar Finnbogadóttur í embætti. Um er að ræða Cadillac Fleetwood Brougham frá 1990 sem er í eigu embættisins.