Forseti átti fund með Winston Peters, utanríkisráðherra Nýja Sjálands, á Bessastöðum. Peters er í stuttri heimsókn á Íslandi, meðal annars til að undirrita tvísköttunarsamning milli Íslands og Nýja-Sjálands. Á fundinum með forseta var rætt um sjálfbærni í ferðaþjónustu, málefni hafsins, jarðvarma, jafnrétti og mikilvægi þess að smærri þjóðir standi sameiginlega vörð um alþjóðlegar samþykktir og frjáls viðskipti. Í máli Peters kom kom fram að hann telur Nýsjálendinga geta lært margt af Norðurlöndum.