Forseti Íslands tók þátt í sófaspjalli um heilbrigðismál við opnun Læknadaga í Hörpu. Aðrir þátttakendur í samtalinu voru Steinunn Þórðardóttir, formaður Læknafélags Íslands, og Bogi Ágústsson fyrrum fréttamaður á RÚV. Þau ræddu meðal annars um áskoranir í geðheilbrigðisþjónustu, málefni aldraðra, gildi forvarna og mikilvægi almennrar lýðheilsu. Forseti gat þess að mörg þeirra verkefna sem hún og maki hennar hefðu lagt áherslu á síðan hún tók við embætti mætti tengja slagorðinu: „Heilbrigt Ísland“.