Forseti sækir Paralympics leikana
26. ágúst 2024
Forseti sækir Paralympics leikana í París.
Forseti sækir Paralympics leikana í París í boði Íþróttasambands fatlaðra ásamt eiginmanni sínum, Birni Skúlasyni.
Síðdegis á miðvikudegi býður Emmanuel Macron Frakklandsforseti forsetahjónum ásamt öðrum gestum til móttöku í Elysée höllinni. Um kvöldið verður svo opnunarhátíð leikanna á Concorde-torgi og sækja hana mörg þúsund íþróttamenn frá meira en 180 löndum auk margra þjóðhöfðingja og annarra ráðamanna.
Á fimmtudaginn fylgjast forsetahjónin með leikunum og á föstudaginn heimsækja þau Ólympíuþorpið og hitta að máli íslenska keppendur og þjálfara auk forystumanna íþróttahreyfingar fatlaðra.
Fimm keppendur hafa tryggt sér þátttökurétt á leikunum og munu keppa fyrir Íslands hönd. Það eru þau Már Gunnarsson, Róbert Ísak Jónsson, Sonja Sigurðardóttir og Thelma Björg Björnsdóttir, sem öll keppa í sundi, og Ingeborg Eide Garðarsdóttir sem keppir í kúluvarpi. Forsetahjón buðu íslensku þátttakendunum til móttöku á Bessastöðum fyrir brottför til Parísar.
Sjá einnig fréttatilkynningu.
Fleiri fréttir
4. október 2026
„Tímabært að setja samtal, frið og framtíðina á dagskrá“
Fjöldi viðburða í tilefni af 40 ára afmæli leiðtogafundarins.
4. október 2026
„Tímabært að setja samtal, frið og framtíðina á dagskrá“
3. október 2026
„Við skulum taka höndum saman“
Forseti leggur tveimur landssöfnunum lið.
3. október 2026
„Við skulum taka höndum saman“
2. október 2026
„Framtíðin þarf á fólki að halda sem kann að hlusta“
Forseti sækir afmælishátíðir þriggja framhaldsskóla.
2. október 2026
„Framtíðin þarf á fólki að halda sem kann að hlusta“