Fjölbreytt dagskrá í Lundúnum
21. nóvember 2025
Forseti heldur heim eftir Bretlandsferð.
Forseti í London Business School. Ljósmynd: Susanne Hakuba
Þriggja daga vinnuferð forseta Íslands til Bretlands lýkur nú síðdegis. Á fyrsta degi, miðvikudaginn 19. nóvember, heimsótti hún miðstöðina Sustainable Ventures við Belvedere Road í Lundúnum og kynnti sér starfsemi hennar. Miðstöðin styður við sprotafyrirtæki sem vinna að sjálfbærni og loftslagslausnum. Um kvöldið var hún viðstödd móttöku í sendiráði Íslands í boði Sturlu Sigurjónssonar sendiherra.
Fyrir hádegi á fimmtudag tók forseti þátt í viðburði í King's College London og átti í kjölfarið fund með Karli 3. Bretakonungi í Buckingham-höll. Meðal umræðuefna þeirra var staða alþjóðamála, jarðvarmi og heilsa hafsins. Síðdegis tók hún ásamt Costas Markides, prófessor í stefnumótun og nýsköpun, þátt í viðburði í London Business School. Þau ræddu saman um velsældarhagkerfi og áherslur leiðtoga á umbrotatímum en svöruðu einnig spurningum úr sal.
Fyrr í dag heimsótti forseti útibú verslunar 66°Norður við Regent Street í Lundúnum. Síðasti liður á dagskránni er heimsókn á veitingastaðinn Churchill's Fish & Chips í Uxbridge. Churchill's-keðjan hefur haft hráefni af Íslandsmiðum á matseðli sínum frá árinu 1981 en þá samdi breska fyrirtækið í fyrsta sinn við útgerð skuttogarans Júlíusar Geirmundssonar ÍS 270 um kaup á þorski og ýsu.
Fleiri fréttir
9. október 2026
Leiðtogafundur í Höfða á sunnudag
Forseti býður alþjóðlegum hópi til samtals um frið, traust og þróun tækninnar.
9. október 2026
Leiðtogafundur í Höfða á sunnudag
6. október 2026
„Þetta má aldrei gerast aftur“
Forseti opnar sýningu um kjarnorkuárásirnar á Hiroshima og Nagasaki 1945.
6. október 2026
„Þetta má aldrei gerast aftur“
4. október 2026
„Tímabært að setja samtal, frið og framtíðina á dagskrá“
Fjöldi viðburða í tilefni af 40 ára afmæli leiðtogafundarins.
4. október 2026
„Tímabært að setja samtal, frið og framtíðina á dagskrá“