Fólk sem þorði að ,,bora dýpra og hugsa lengra“
21. maí 2026
Ljósmyndir: Þorvardur Goði Guðrúnarson.
Forseti fagnar 80 ára borsögu við hátíðlega athöfn á Hellisheiði.
Gestir á afmælishátíð Jarðborana.
Forseti flutti stutt ávarp á fjölmennri afmælishátíð Jarðborana og Ræktunarsambands Flóa og Skeiða í Hellisheiðarvirkjun í tilefni af 80 ára borsögu fyrirtækjanna. Hún lagði meðal annars áherslu á mikilvægi jarðhitans í uppbyggingu íslensks samfélags og hvatti til áframhaldandi framsýni í orkumálum.
Forseti undirstrikaði í ávarpi sínu að árangur Íslands í nýtingu jarðvarma væri einstakur á heimsvísu. Hún minnti á að saga orkuvinnslu hérlendis væri ekki einungis saga tækni og framkvæmda heldur einnig saga hugrekkis og trúar á betra samfélag. Að baki framþróuninni á þessu sviði stæði fólk sem hefði þorað að „bora dýpra og hugsa lengra“ og lagt grunn að þeim lífsgæðum sem þjóðin nýtur nú um stundir. Í lok ávarpsins sagði forseti að orkumál yrðu sífellt mikilvægari á alþjóðavettvangi, bæði með tilliti til hagkerfa, öryggis og loftslags. Ísland hefði þar mikilvægu hlutverki að gegna.
Hellisheiðavirkjun var síðasti viðkomustaður forsetahjóna í ferð þeirra um Suðurland en áður höfðu þau heimsótt tvo skóla á Laugalandi og hjúkrunarheimili og ferðaþjónustufyrirtæki á Hellu.
Fleiri fréttir
21. september 2026
Tæknin í okkar þágu - ekki öfugt
Forseti birtir grein um tækniþróun og framtíðina.
21. september 2026
Tæknin í okkar þágu - ekki öfugt
16. september 2026
Fimm nýir sendiherrar
Forseti tekur við trúnaðarbréfum á Bessastöðum.
16. september 2026
Fimm nýir sendiherrar
14. september 2026
„Getum við lært að vera ósammála fallega?“
Forseti fundar með skólastjórnendum og nemendum framhaldsskóla og háskóla.
14. september 2026
„Getum við lært að vera ósammála fallega?“