Forseti tekur sæti í alþjóðlegri ráðgjafanefnd um gervigreind
6. júlí 2026
Vinnuferð forseta til Genf í Sviss.
Fréttatilkynning um stofnun alþjóðlegrar ráðgjafanefndar um gervigreind er aðgengileg á vef ITU.
Sjá nánar.
Forseti Íslands, Halla Tómasdóttir, verður meðal stofnfélaga í nýrri alþjóðlegri ráðgjafanefnd, AI for Good Global Commission. Nefndin hefur það hlutverk að stuðla að því að gervigreind verði nýtt til góðs. Hún kemur saman í fyrsta sinn í Genf í Sviss miðvikudaginn 8. júlí í tengslum við Heimsþing um gervigreind til góðs (The AI for Good Global Summit).
Heimsþing um gervigreind til góðs, sem haldið er á vegum Alþjóðafjarskiptasambandsins ITU, fer fram dagana 7.–10. júlí. Þingið er hluti af Stafrænni viku í Genf (Geneva Digital Week). Þar eru einnig á dagskrá tvær ráðstefnur á vegum Sameinuðu þjóðanna, önnur um upplýsingasamfélagið (World Summit on the Information Society) og hin um opinbera stefnumótun á sviði gervigreindar (Global Dialogue on AI Governance). Forseti mun ávarpa gesti á síðastnefndu ráðstefnunni á morgun, þriðjudaginn 7. júlí, og gesti á Heimsþingi um gervigreind til góðs miðvikudaginn 8. júlí. Einnig mun hún eiga samtöl við þátttakendur í þessum þremur viðburðum.
Forseti hefur á liðnum misserum lagt ríka áherslu á að tækniframfarir verði að þjóna almenningi, að ungt fólk fái að hlutast til um mótun framtíðar sinnar og að sú samfélagslega umbreyting sem felst í þróun gervigreindar auki ekki ójöfnuð.
Fleiri fréttir
21. september 2026
Tæknin í okkar þágu - ekki öfugt
Forseti birtir grein um tækniþróun og framtíðina.
21. september 2026
Tæknin í okkar þágu - ekki öfugt
16. september 2026
Fimm nýir sendiherrar
Forseti tekur við trúnaðarbréfum á Bessastöðum.
16. september 2026
Fimm nýir sendiherrar
14. september 2026
„Getum við lært að vera ósammála fallega?“
Forseti fundar með skólastjórnendum og nemendum framhaldsskóla og háskóla.
14. september 2026
„Getum við lært að vera ósammála fallega?“