„Hvert barn er einstakt“
26. febrúar 2026
Ljósmynd: Olga Björt Þórðardóttir.
Forseti ávarpar málþingið „Þar sem reynslan fær rödd“.
Forseti ásamt Guðmundi Björgvin Gylfasyni, formanni Einstakra barna.
Forseti setti málþingið „Þar sem reynslan fær rödd“ sem stuðningsfélagið Einstök börn stóð fyrir á Hilton Reykjavík Nordica. Félagið styður við börn og ungmenni með sjaldgæfa sjúkdóma eða sjaldgæf heilkenni og fjölskyldur þeirra. Meðal þeirra sem tóku til máls á þinginu voru dr. Albert Freedman, Eva Guðrún Sveinsdóttir, Hafdís Ragnarsdóttir og Ásdís Sigurjónsdóttir.
Í opnunarávarpi sínu lagði forseti áherslu á að styrk samfélaga mætti meðal annars mæla með hliðsjón af því hvernig þau kæmu til móts við fólk með ólíkar þarfir. Hún bætti við: „Hvert barn er einstakt. Hvert barn býr yfir sínum eigin styrkleikum, draumum og möguleikum, og hvert barn á rétt á að blómstra á sínum forsendum – ekki síst „einstök börn“. Fjölbreytileiki barna, rétt eins og fullorðinna, er ekki frávik frá normi heldur eðlilegur hluti mannlífsins. Það er hlutverk samfélagsins að skapa rými þar sem þessi fjölbreytileiki fær að njóta sín.“
Sjá ítarlegri umfjöllun um þingið á vef Einstakra barna.
Fleiri fréttir
10. september 2026
Konungur sem helgaði líf sitt þjónustu við þjóð sína
Forsetahjón viðstödd útför Haraldar V Noregskonungs.
10. september 2026
Konungur sem helgaði líf sitt þjónustu við þjóð sína
9. september 2026
Ríkisráðsfundur á Bessastöðum
Stiklur úr dagbók forseta.
9. september 2026
Ríkisráðsfundur á Bessastöðum
8. september 2026
Veljum samtalið
Forseti setur Alþingi.
8. september 2026
Veljum samtalið