Líf og fjör á Landsmóti skáta að Hömrum
23. júlí 2026
Ljósmyndir: Andrea Dagbjört.
Forsetahjón á ferð um Norðurland.
Forsetahjón ásamt Hörpu Ósk Valgerisdóttur, skátahöfðingja.
Forsetahjónin sóttu Landsmót skáta að Hömrum þar sem um 2.000 skátar víðs vegar að af landinu komu saman auk skáta frá tíu öðrum löndum. Mótið er einn stærsti viðburður skátahreyfingarinnar á Íslandi og endurspeglar bæði öflugt innlent starf og sterk alþjóðleg tengsl hreyfingarinnar.
Mótsstjórinn, Ingibjörg Guðmundsdóttir og Harpa Ósk Valgeirsdóttir, skátahöfðingi, tóku á móti forsetahjónunum og kynntu þeim starfsemina og fjölbreytta dagskrá. Á mótssvæðinu kynntust forsetahjónin af eigin raun þeirri samvinnu, sköpunargleði og útivist sem einkennir skátastarf um land allt. Þau kíktu á skógardagskrá, axarkast, drullubolta og bogfimi og áttu þau ánægjuleg samtöl við unga skáta og leiðtoga, skoðuðu búðir þátttakenda og tóku þátt í ýmsum þrautum með börnum og ungmennum á svæðinu.
Forseti Íslands er verndari skátahreyfingarinnar á Íslandi en landsmót skáta er mikilvægur vettvangur fyrir ungmenni til að eignast nýja vinu, öðlast nýja færni og styrkja samfélagsvitund sína. Landsmótið sýnir jafnframt það öfluga æskulýðsstarf sem skátahreyfingin stendur fyrir og jákvætt samfélagsframlag hennar um allt land.
Fréttir um Landsmót skáta að Hömrum.
Sjá nánar.
Fleiri fréttir
29. september 2026
„Tímabært að setja samtal, frið og framtíðina á dagskrá“
Fjöldi viðburða í tilefni af 40 ára afmæli leiðtogafundarins.
29. september 2026
„Tímabært að setja samtal, frið og framtíðina á dagskrá“
28. september 2026
„Hvernig samfélag viljum við skapa saman?“
Forseti hvetur almenning til þátttöku í Samtali 10. október.
28. september 2026
„Hvernig samfélag viljum við skapa saman?“
27. september 2026
„850 börn í bíó – það er ekki amalegur áhorfendahópur!“
Stiklur úr dagbók forseta.
27. september 2026
„850 börn í bíó – það er ekki amalegur áhorfendahópur!“