Ákall um ábyrga forystu
12. október 2026
Ljósmyndir: Pétur Fjeldsted.
Hópur leiðtoga tekur þátt í samtali í Höfða.
Forseti Íslands, Halla Tómasdóttir, og forseti Slóveníu, Nataša Pirc Musar, heilsast á tröppum Höfða.
Ákall frá Reykjavík (A Call from Reykjavík) sem mótað var á leiðtogafundi í Höfða 11. október 2026 er aðgengilegt á ensku hér á vefnum.
Lesa ákallið.
Hópur alþjóðlegra leiðtoga tók síðdegis í gær þátt í samtali í Höfða. Forseti Íslands, Halla Tómasdóttir, bauð til samtalsins í tilefni af því að 40 ár eru liðin frá því að Ronald Reagan Bandaríkjaforseti og Mikhail Gorbatsjov, leiðtogi Sovétríkjanna, áttu samtal þar um afvopnun og frið. Samtal leiðtoganna í gær snerist að nýju um frið og afvopnun en einnig leiðir til að draga úr þeim ógnum sem felast í hraðri þróun gervigreindar og minnkandi virðingu fyrir alþjóðalögum og alþjóðastofnunum. Í Höfða var jafnframt mótað ákall um ábyrga forystu.
Gestgjafi í Höfða var Hildur Björnsdóttir borgarstjóri. Auk forseta og borgarstjóra voru þátttakendur í samtalinu Nataša Pirc Musar, forseti Slóveníu; Mary Robinson, fyrrverandi forseti Írlands og fyrrverandi mannréttindafulltrúi Sameinuðu þjóðanna; Volker Türk, mannréttindafulltrúi Sameinuðu þjóðanna; Izumi Nakamitsu, aðstoðarframkvæmdastjóri Sameinuðu þjóðanna í afvopnunarmálum; bandaríska öldungardeildarþingkonan Lisa Murkowski; Christiane Amanpour, fréttastjóri alþjóðafrétta hjá CNN; Ester Baiget, forstjóri Novonesis; Tristan Harris, annar stofnenda Center for Humane Technology, Hindou Oumarou Ibrahim, aðgerðasinni á sviði umhverfismála; Pat Mitchell, stofnandi TEDWomen; Jean Oelwang, meðstofnandi Virgin Unite; Charles Oppenheimer, stjórnandi The Oppenheimer Project; Aza Raskin, annar stofnenda Center for Humane Technology og Leah Seligmann, forstjóri The B-Team.
Samtal hópsins hófst klukkan 16:00 og stóð í rúmar tvær klukkustundir. Rætt var um hvernig leiðtogar samtímans gætu lagt sitt af mörkum til friðar, aukins trausts og ábyrgari þróunar gervigreindar. Í kjölfar samtalsins undirrituðu forseti Íslands, forseti Slóveníu og fv. forseti Írlands ákall frá Reykjavík sem fleirum verður boðið að taka undir.
Ákall frá Reykjavík (A Call from Reykjavík) er aðgengilegt á ensku hér á vefnum.
Lesa ákallið.
Fleiri fréttir
11. október 2026
„Gerum heiminn að griðastað“
Forseti tekur þátt í lokaviðburði Samtals í Hörpu.
11. október 2026
„Gerum heiminn að griðastað“
10. október 2026
Samtal fer fram um land allt
Forseti ávarpar þátttakendur um land allt.
10. október 2026
Samtal fer fram um land allt
9. október 2026
Þversagnir gervigreindarinnar krufnar
Forseti tekur þátt í viðburði með Tristan Harris og Raskin-hjónum.
9. október 2026
Þversagnir gervigreindarinnar krufnar