Gestkvæmt á Bessastöðum
1. júní 2026
Ljósmyndir: Laufey Björk Ólafsdóttir, Sigurjón Ragnar, Stefanía Linnet, Þorgeir Elíesersson, Elísa B. Guðmundsdóttir og EFÍ.
Stiklur úr dagbók forseta.
Forseti ásamt hópnum sem fékk viðurkenningar frá Blóðgjafafélagi Íslands.
Það var gestkvæmt á Bessastöðum í liðinni viku. Forseti tók meðal annars á móti fulltrúum úr Blóðgjafafélagi Íslands. Afhenti hún viðurkenningar til blóðgjafa sem að hafa gefið blóð 150, 175, 200 og 250 sinnum. Samtals hafði þessi sex manna hópur gefið blóð í 1200 skipti. Þar sem hver blóðgjöf getur bjargað allt að þremur mannslífum er í raun um að ræða allt að 3600 lífgjafir.
Forseti hitti einnig hóp íslenskra barna sem eru á leið í sumarbúðir erlendis á vegum Íslandsdeildar CISV (Children's International Summer Villages). Um er að ræða alþjóðleg samtök sem leggja áherslu á frið í gegnum vináttu og samstarf barna með ólíkan bakgrunn. Meðal annarra gesta á Bessastöðum voru nemendur í hagfræði, jarðfræði og stjórnmálafræði frá Trinity-háskóla Texas, sem eru í námsferð hérlendis, og öldungadeildarþingkonurnar Catherine Cortez Masto og Lisa Murkowski.
Forseti tók einnig í vikunni þátt í alþjóðlegum viðburði á vegum UNICEF og afhendingu þriggja viðurkenninga: heiðursverðlauna Grímunnar og Eddunnar og verðlauna í Nýsköpunarkeppni grunnskólanna. Heiðursverðlaun Grímunnar hlaut Þórunn Elísabet Sveinsdóttir leikmynda- og búningarhönnuður og heiðursverðlaun Eddunnar hlaut Þorsteinn Jónsson leikstjóri.
Nýsköpunarkeppni grunnskólanna er hugmyndasamkeppni fyrir nemendur í 5.–7. bekk. Lokahóf hennar fór fram í nýju húsnæði Menntavísindasviðs HÍ á Sögu. Veitt voru verðlaun í sjö flokkum og einnig var veitt hvatningarviðurkenningin VILJI til nýsköpunarkennara grunnskólanna 2026. Hana hlaut Drífa Hjördís Thorstensen, grunnskólakennari við Háaleitisskóla á Ásbrú.
Í byrjun vikunnar sóttu forsetahjón styrktarleik Breiðabliks og FH. Rann ágóðinn í Minningarsjóð Bryndísar Klöru. Í lok vikunnar tók forseti þátt opnun tveggja sýninga í Listasafni Íslands sem eru hluti af Listahátíð 2026. Þetta voru sýning Bjarkar echolalia og sýning James Merry Ummyndlingar.
Hægt er að fræðast um alla verðlaunahafana í Nýsköpunarkeppni grunnskólanna á vef keppninnar.
Sjá nánar.
Fleiri fréttir
4. október 2026
„Við skulum taka höndum saman“
Forseti leggur tveimur landssöfnunum lið.
4. október 2026
„Við skulum taka höndum saman“
4. október 2026
„Tímabært að setja samtal, frið og framtíðina á dagskrá“
Fjöldi viðburða í tilefni af 40 ára afmæli leiðtogafundarins.
4. október 2026
„Tímabært að setja samtal, frið og framtíðina á dagskrá“
2. október 2026
„Framtíðin þarf á fólki að halda sem kann að hlusta“
Forseti sækir afmælishátíðir þriggja framhaldsskóla.
2. október 2026
„Framtíðin þarf á fólki að halda sem kann að hlusta“