Dagur reykskynjarans
29. nóvember 2024
Eiginmaður forseta tekur á móti slökkviliðsmönnum.






Björn Skúlason, eiginmaður forseta tekur á móti Jóni Viðari Matthíassyni slökkviliðsstjóra og Hermanni Jónassyni, forstjóra Húsnæðis og mannvirkjastofnunar (HMS), auk slökkviliðsmanna frá slökkviliði höfuðborgarsvæðisins. Tilefnið er dagur reykskynjarans þann 1. desember og forvarnarátak sem stofnanirnar taka árlega höndum saman um í tengslum við daginn.
Slökkviliðið og HMS komu færandi hendi með reykskynjara að gjöf til forsetahjóna, auk þess sem slökkviliðsmenn ræddu við Björn um mikilvægi eldvarna á heimilum landsins, þar á meðal á Bessastöðum.
Markmiðið átaksins er að vekja athygli almennings á mikilvægi þess að hafa virkt eftirlit á heimilum sínum. Reykskynjarinn er eitt mikilvægasta öryggistæki heimilisins og að því tilefni eru landsmenn hvattir til að huga að virkni sinna reykskynjara.
Helstu atriði sem hafa þarf í huga:
• Reykskynjarar eru nauðsynlegir í öllum rýmum heimilisins
• Mikilvægt er að staðsetja þá sem næst miðju lofts
• Prófið virkni reykskynjarans að lágmarki einu sinni á ári
• Mikilvægt er að allir þekki flóttaleiðir á sínu heimili og að þær séu greiðfærar
• Hafið slökkvitæki tiltækt á flóttaleiðinni
Fleiri fréttir

15. nóvember 2026
„Vinur er sá sem til vamms segir“
Forseti sækir minningarstund um fórnarlömb umferðarslysa.
15. nóvember 2026
„Vinur er sá sem til vamms segir“

11. nóvember 2026
„Framtíð unga fólksins mikilvægasta verkefni þjóðarinnar“
Íslensku menntaverðlaunin afhent á Bessastöðum.
11. nóvember 2026
„Framtíð unga fólksins mikilvægasta verkefni þjóðarinnar“

7. nóvember 2026
„Saga fólks sem lagði sitt af mörkum, kynslóð fram af kynslóð“
Forsetahjón sækja 150 ára afmælishátíð Blönduóss.
7. nóvember 2026
„Saga fólks sem lagði sitt af mörkum, kynslóð fram af kynslóð“