Forseti á fund með Katrínu Jakobsdóttur, forsætisráðherra og formanni Vinstri hreyfingarinnar – græns framboðs, á skrifstofu forseta Íslands í Reykjavík. Rætt var um viðræður hennar, Bjarna Benediktssonar, fjármála- og efnahagsráðherra og formanns Sjálfstæðisflokksins, og Sigurðar Inga Jóhannssonar, samgöngu- og sveitarstjórnarráðherra og formanns Framsóknarflokksins, undanfarna daga og þau áform að þessir þrír flokkar haldi ríkisstjórnarsamstarfi áfram. Forseti mun áfram fylgjast með gangi mála eftir þörfum.