Leikhópurinn Perlan flytur afmælissýningu á Bessastöðum. Í hópnum er fólk með þroskahömlun á öllum aldri. Sigríður Eyþórsdóttir, kennari og leikstjóri, stofnaði hópinn fyrir 35 árum og hefur hann komið víða fram við góðar undirtektir, meðal annars í Hvíta húsinu í forsetatíð George Bush eldri. Eftir andlát Sigríðar í hittifyrra tók dóttir hennar, Bergljót Arnalds, við leikstjórn Perlunnar. Afmælissýninguna sóttu aðstandendur leikaranna og vinir, forseti og fleiri gestir.