Forsetafrú heimsækir Garð í Suðurnesjabæ í tengslum við afhendingu Eyrarrósarinnar, viðurkenningar fyrir framúrskarandi menningarverkefni utan höfuðborgarsvæðisins, en í fyrra hlaut verkefnið Ferskir vindar í Garði verðlaunin. Með í för voru stjórnendur Listahátíðar í Reykjavík, tilnefndir verðlaunahafar og fulltrúar frá Air Iceland Connect og Byggðastofnun.
Forsetafrú sem er verndari Eyrarrósarinnar flutti ávarp og veitti List í ljósi frá Seyðisfirði Eyrarrósina 2019.