Forseti afhendir verðlaun á hátíðardegi garðyrkjunnar í Garðyrkjuskólanum á Reykjum í Ölfusi. Hvatningarverðlaun garðyrkjunnar hlaut Jóhann Thorarensen garðyrkjufræðingur, forsprakki matjurtagarðaverkefnis Akureyrarbæjar. Verknámsstaður garðyrkjunnar var einnig valinn, Jóhanna Margrét Hilmarsdóttir verknámskennari við Garðheima. Þá hlaut Grétar J. Unnsteinsson, fyrrverandi skólastjóri Garðyrkjuskóla ríkisins, heiðursverðlaun garðyrkjunnar. Árið 1966 tók Grétar við skólastjórn af Unnsteini Ólafssyni, föður sínum, og gegndi embættinu í 32 ár. Í ár er þess líka minnst að 80 ár eru liðin frá stofnun Garðyrkjuskóla ríkisins sem nú heyrir undir Landbúnaðarháskóla Íslands. Opið hús var á Reykjum í dag í tilefni sumarkomu og var þar margt um manninn.
Fréttir
|
25. apr. 2019
Garðyrkjuverðlaun
Aðrar fréttir
Fréttir
|
25. apr. 2024
Lýðheilsuverðlaunin 2024 afhent
Forseti afhendir Íslensku lýðheilsuverðlaunin í annað sinn
Lesa frétt