Forseti sækir opnun ljósmyndasýningarinnar Við erum svo margt við Háskólann í Reykjavík. Á henni má sjá andlitsmyndir fólks sem hefur glímt við sjálfsvígshugsanir en náð að bægja þeim frá sér, ekki síst með vinarþeli og góðra manna hjálp. Verkefnið er unnið með stuðningi frá Geðhjálp, 1717 - Hjálparsíma Rauða krossins, Háskólanum í Reykjavík, sérfræðingum á þessu sviði og öðru góðu fólki.