Forseti flytur ávarp við opnun sögusýningar um Karmelklaustrið á Jófríðarstöðum í Hafnarfirði. Sýningin er í Byggðasafni Hafnarfjarðar. Í ár eru 80 ár frá því að fyrstu Karmelsysturnar komu til Hafnarfjarðar og aldarfjórðungur síðan hópur pólskra nunna kom í klaustrið. Innan veggja þess sinna systurnar köllun sinni, framleiða ýmsan varning sem er til sölu í klausturbúðinni og biðja fyrir þeim sem þess óska.