Eliza Reid forsetafrú heimsækir ferðasýninguna Mannamót, sem haldin er árlega af markaðsstofum landshlutanna, þar sem landsbyggðarfyrirtæki í ferðaþjónustu koma til Reykjavíkur til að kynna þjónustu sína fyrir aðilum sem staðsettir eru á höfuðborgarsvæðinu. Markmið sýningarinnar er að efla ferðaþjónustu og auka dreifingu ferðamanna um landið. Árið 2017 var forsetafrú útnefnd velgjörðarsendiherra sjálfbærrar ferðamennsku og sjálfbærrar þróunar hjá Ferðamálastofnun Sameinuðu þjóðanna.