Forseti á fund með Þórlindi Kjartanssyni um nýsköpun og sóknarfæri í þeim efnum á Íslandi. Laust fyrir jól kom út ritið Bak við ystu sjónarrönd þar sem sjónum er beint að bláa hagkerfinu og framþróun í sjávarútvegi. Þórlindur er annar höfunda ritsins. Á fundinum með forseta var rætt um nauðsyn þess að efla nýsköpun á öllum sviðum og skapa þannig skilyrði að frumkvöðlar geti betur nálgast áhættufé til að vinna hugmyndum sínum brautargengi og skapa atvinnu og verðmæti, samfélaginu til heilla.