Forseti tekur á móti forystusveit heilbrigðistæknifyrirtækisins Össurar og fulltrúum danska fjárfestingasjóðsins William Demant Fonden. Rætt var um framfarir í stoðtækjagerð og leiðir til að tryggja að þeir, sem þurfa á þannig aðstoð að halda, fái notið hennar. Einnig var rætt um farsælt samstarf Össurar og William Demant sjóðsins og framtíðaráform í þeim efnum.