Forseti og forsetafrú taka þátt í hátíðahöldum í tilefni 50 ára krýningarafmælis Karls XVI. Gústafs Svíakonungs í Stokkhólmi. Karl Gústaf varð þjóðhöfðingi Svíþjóðar árið 1973 við andlát afa síns, Gústafs VI. Adolfs konungs. Krýningarafmælið sóttu þjóðhöfðingjar allra Norðurlandanna og stóðu hátíðahöldin í tvo daga.
Að kvöldi fimmtudagsins 14. september var boðið til hátíðarsýningar í Drottningholm hallarleikhúsinu og kvöldverðar í Drottningholm höllinni í kjölfarið. Að morgni föstudagsins 15. september sóttu forsetahjónin messu í Slottskyrkan ásamt konungsfjölskyldunni og öðrum heiðursgestum og fylgdust að því loknu með hyllingu konungs frá svölum konungshallarinnar. Þá var norrænum þjóðhöfðingjum boðið til hádegisverðar með sænsku konungshjónunum og Ulf Kristersson, forsætisráðherra Svíþjóðar. Dagskrá krýningarafmælisins lauk svo með hátíðarkvöldverði í konungshöllinni að kvöldi föstudagsins 15. september.