Forseti afhendir viðurkenningu Barnaheilla við hátíðlega athöfn í Reykjavík. Í ár kom hún í hlut Vilborgar Oddsdóttur, félagsráðgjafa hjá Hjálparstarfi kirkjunnar. Vilborg hefur lengi sinnt börnum sem búa við fátækt og barist fyrir hagsmunum þeirra. Viðurkenning Barnaheilla er veitt árlega fyrir sérstakt framlag í þágu barna og mannréttinda þeirra í tengslum við afmæli Barnasáttmála Sameinuðu þjóðanna hinn 20. nóvember.