Forseti á fund með fulltrúum Íslands í Söngvakeppni evrópskra sjónvarpsstöðva. Til hans var boðað í framhaldi af fundi forseta með Heru Björk Þórhallsdóttur söngkonu eftir söngvakeppnina í Malmö í Svíþjóð. Þá sem nú var rætt um samband listar og stjórnmála, orðræðu á samfélagsmiðlum og leiðir til að bæta hana, táknræn mótmæli og skyld málefni. Forseti þakkaði íslensku sveitinni auk þess þeirra framlag fyrir Íslands hönd í söngvakeppninni.